Avokati i Artan Lazaj ka ngritur për herë të parë gjatë seancave dëgjimore të Vettingut kërkesën se hetimi i Vettingut është tredimensional dhe është në kundërshtim me ligjin. Kjo ka sjellë që seanca dëgjimore e KPK për gjyqtarin e Gjykatës së Tiranës, Artan Lazaj të shtyhet.
Avokati ka bërë kërkesë për përjashtimin e trupës gjyqësore. Seanca nisi në orën 10:00 të ditës së sotme. Relatorja, Brunilda Bekteshi është shprehur se hetimi ndaj gjyqtarit Lazaj ka përfunduar vetëm për një nga kriteret. Ndërkohë,
“Hetimi i Vettingut është tredimensional. Është në kundërshtim me ligjin, kërkesa ime procedurale është të përfshihen të tre komponentët”, ka thënë Hazizaj.
I pranishëm në seancë ishte edhe Artan Lazaj, i cili është një nga gjyqtarët që Ambasada e SHBA i ka refuzuar vizën.Lazaj është bërë pjesë e listës prioritare të vetingut për shkak të kandidimit për një post në Këshillin e Lartë Gjyqësor.
Artan Lazaj ka ushtruar detyrën e gjyqtarit si dhe të kryetarit të Gjykatës së Gjirokastrës në vitet 2003-2009. Në vitin 2009, ai është zgjedhur anëtar i Komisionit Qendror të Zgjedhjeve, detyrë të cilën e ka mbajtur deri në vitin 2012.
