Permbytja e Biblotekes, blloku i betonit të Sheshit Skënderbej pengoi rrjedhën e ujërave

Përmbytja e pazakontë e Bibliotekës Kombëtare  ka nxitur reagimin e dy deputetëve të PD Hekuran Hoxholli dhe Romeo Gurakuqi të cilët kanë inspektuiar godinën pas shpallës së emergjencvës të hënës.

Në një prononcim për median thënë në hyrje të Biblotekes të dy deputetët thanë se përmbytja e saj ka ardhur për shkak të sheshit të ri Skënderbej. Sipas tyre nuk ka pasur një studim paraprak për ndërtimin e sheshit dhe se blloku i betonit ka bllokuar rrjedhën e ujërave nëntokësorë.

“ Kjo lidhet me mungesën e studimit për këtë shesh që është bërë këtu. Bllokun e betonit që ka bllokuar rrjedhën e ujërave nëntokësore dhe ato do të gjejnë një vend për tu futur. Janë futur këtu, janë futur në Arkivën e bashkisë, para disa kohëve ka pasur rrjedhje edhe në bodrumin e  Muzeut Historik, nuk dihet për çfarë arsye por besoj se është e lidhur me mungesën e një studimi. Ju si gazetarë investigativ duhet të kontrolloni nëse ka pasur një studim paraprak për ndërtimin  e sheshit.”- reago deputeti Gurakuqi.

Deputeti risolli në vëmendje propozimin e bërë kohë më parë prej tij, duke deklaruar se ka ardhur koha për të ndërtuar një Bibliotekë të madhe Kombëtare dhe një Arkivë Qëndrore të Shtetit.

“Kam bërë propozime që Shqipëria të ketë në qendër të Tiranë një Bibliotekë Kombëtare dhe një Arkivë Qëndrore. Kemi hasur në vesh të shurdhër. Pse Shqipëria nuk ka një bibliotekë të madhe? Çdo fakultet Universitar kudo në botë ka një bibliotekë shumë më e madhe sesa është Biblioteka Kombëtare.

Në një kohë kur këtu hapen sheshe qëllimisht për të ndërtuar kulla me PPP, nuk gjendet një shesh këtu në qendër të Tiranës për të ndërtuar në Bibliotekë të madhe  Kombëtare. Edhe  vërtet kushtet këtu sikundër Drejtoresha dje ka thënë, nuk janë aspak të përshtatshme.

Ka ardhur momenti për të ndërtuar një Bibliotekë të madhe Kombëtare dhe një Arkivë Qëndrore të Shtetit në përmasat që të ruajë dokumentacionet e këtij vendi në mënyrë që të mos falsifikohen as pronat, në mënyrë që drejtësia të mbështetet mbi fakte.”- tha ne reagimin  e tij deputet Gurakuqi.

/DRONI.al/