Manolis Karagiannis 45 vjeç, i cilësuar nga mediat greke si një nga “kokat e krimit” në shtetin helen, është ekzekutuar me armë zjarri këtë mëngjes në zonën “Palaio Faliro” të Athinës.
Nga detajet që japin mediat greke, atentati duket se ka qenë i mirë organizuar. Një makinë dhe një motoçikletë iu afruan 45-vjeçarit i cili ecte në këmbë dhe një breshëri plumbash u qëllua ndaj tij. Raportohet se Karagiannis ka reaguar gjithashtu duke qëlluar me armë zjarri, por fundi për të ka qenë tragjik. Nga të shtënat, Karagiannis mbeti i plagosur rënde. Ai u transferua nga një ambulancë në spital, ku edhe ndërroi jetë.
Viktima ishte liruar nga burgu kohët e fundit. Më 5 janar 2017, teksa ndodhej në burgun e Korydallos, ai u sulmua dhe u plagos me thikë nga dy shqiptarë.
Sipas drejtuesve të Policisë greke, 45-vjeçari dyshohet se kishte kontakte me grekë dhe shqiptarë, persona me rekorde të theksuara kriminale. /Panorama.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
