4 shqiptarë janë kapur nga policia italianë pasi merreshin me trafikimin e drogës. Mediat italiane raportojnë se është ndaluar dhe goditur një bandë e madhe me disa vetë që merrej me trafikim droge.
Aksioni policor në Itali ndaloi në total 14 persona ku u arrestuan: 9 persona nga Afrika, katër shqiptarë dhe një italian.
Hetimi në kuadër të operacionit policor të koduar “Tabula” zgjati rreth 15 muaj, kohë gjatë së cilës janë sekuestruar rreth 23 kilogramë drogë. Gjithashtu janë sekuestruar edhe 615 mijë euro cash.
Çfarë bënte grupi që trafikonte drogën?
Grupi shiste kryesisht heroinë, por edhe kokainë e hashash. Dyshohet se nga ky aktivitet grupi me rreth 120 klientë, ka gjeneruar rreth 1.5 milione euro në rreth 1 vit.
Heroina blihej nga shqiptarët dhe shpërndahej në veçanti nga tunizianët; kokaina blihej po nga shqiptarët së bashku me italianin.
Ky i fundit ka një aktivitet tregtar në Parma, ku efektivët sekuestruan rreth 50 mijë euro, që dyshohet se janë përfituar nga trafiku i drogës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
