Hapet sot autostrada Tiranë– Durrës, kush segment do të mbyllet nesër

Autoriteti Rrugor Shqiptar (ARRSH) njofton se ka përfunduar ndërhyrja në segmentin rrugor Ura e Dajlanit – Mbikalimi i Shkozetit.

Aktualisht i gjithë aksi Tiranë – Durrës dhe Durrës – Tiranë është i hapur për orët e mbetura ët ditës së sotme, për qarkullimin e mjeteve.

Por, ditën e nesërme në orën 05:30 do të vazhdojnë punimet me ndërhyrjen në segmentin Shkozet-Sukth dhe do të devijohet trafiku në Shkozet.

Në varësi të kushteve atmosferike, parashikohet që ky segment të përfundojë në orën 24:00 të ditës së nesërme.

/DRONI.al/