Komisioni i Punës, Cështjes sociale dhe Shëndetësisë është mbledhur këtë të hënë për të zhvilluar punimet. Por dhe në këtë komision, ka debate dhe përplasje. Që në fillim, Demokrati Bardh Spahia e ka marrë fjalën duke ngritur çështjen e integrimit të Shqipërisë, e cila sipas tij po mbahet peng nga kjo qeveri.
Komisioni drejtohet nga deputetja e PS, Elisa Spiropali, e cila ka tentuar ta pengojë Spahian, të mos lejojë fjalën e tij dhe duke i thënë se ka ngatërruar komisionin.
“Nuk ka integrim të Shqipërisë pa plotësuar kushtet, pa zgjedhje të lira dhe të ndershme, pa një reformë të vërtetë në drejtësi, që të mos mbrojë Saimir Tahirin, Fatmir Xhafajn, të mos luftojë më të tëra forcat krimin. Nuk mund të ketë integrim, kur dy ministra rendi njeri pas tjetrit janë të lidhur ngushtë dhe njihen si drejtues të trafikut të drogës, ka thënë Spahia.
Spiropali, në kushtet kur Spahia nuk e ka ndalur fjalën, ka njoftuar 5 minuta pushim dhe ka dalë nga salla me deputetët e mazhorancës.
https://www.facebook.com/partiademokratike/videos/10156395372329909/UzpfSTEzODEwMzcwOTg4OTMyMDk6MTk4MjQwMjU5MjA4OTk4Nw/?notif_id=1529914433861108¬if_t=notify_me_page
