Inspektorati i Lartë i Deklarimit dhe Kontrollit të Pasurive dhe Konfliktit të Interesave, ka paraqitur dy relacione të ndryshme për Vatë Staka, prokurorin pranë Gjykatës së Rrethit Gjyqësor Shkodër, i cili po kalon këto ditë ne sitën e procesit të Vettingut. Për Inspektoriatin fillimisht prokurori Staka ka pasur deklarim korrekt të pasurisë, por ka ndërruar mendje kohë vonë duke u shprehur se deklarata ka pasktësi. Por cfarë bëri Komisioni i Pavaruar i Kualifikimit. Kë deklaratë mori parasysh? Pastaj pse kjo mungese serioziteti nga ILDKI?
Inspektoratit të Lartë të Deklarimit të Pasurive dhe Konfliktit të Interesave ka shkaktuar jo pak paraqartësi në procesin e vettingut të Vatë Staka, prokurorit pranë Gjykatës së Rrethit Gjyqësor Shkodër
Vatë Staka, prokuror pranë Gjykatës së Rrethit Gjyqësor Shkodër, është paraqitur pasditen e së hënës në seancë dëgjimore me Komisionin e Pavarur të Kualifikimit, ku është vlerësuar pasuria, integriteti dhe niveli i tij profesional.
Relatorja e çështjes Etleda Çiftja, ka deklaruar se Staka zotëron një pasuri modeste të përbërë nga një shtëpi me sipërfaqe 131 metra katrorë, në Shkodër, ndërtuar mes viteve 1993-1995, me vlere 280 mije leke. Po ashtu ai zotëron edhe parcelën me sipërfaqe 300 metra katrorë mbi të cilën është ndërtuar kjo shtëpi, në bashkëpronësi me bashkëshorten.
Paqartësitë lidhur me pasurinë e Prokurorit i ka shkaktuar qëndrimi i Inspektoratit të Lartë të Deklarimit të Pasurive, i cili fillimisht, përpara nisjes së procesit të Vetting-ut, ILDKPI i ka konsideruar korrekte deklaratat e pasurisë së Stakës.
Por në një letër të dërguar më 7 qershor 2018, ILDKI është shprehur se deklaratat e prokurorit janë të pasakta . Por nga hetimi i vetë Komisionit të Vetting-ut, vlerësimi i ILDKPI ka rezultuar i gabuar dhe letra nuk është marrë parasysh në hetim.
Relatorja e çështjes Etleda Çiftja bëri me dije se hetimi u shtri te familjarët e Prokurorit, deri edhe te nipi i tij. Staka, i cili është njëherësh kandidat për Këshillin e Larte te Prokurorisë u konsiderua i përshtatshëm edhe për dy komponentët e tjerë, të profesionalizmit dhe integritetit personal.
