‘Unë nuk mundem ta bëj dot – jam e frikësuar’, i tha e dashura 20 vjeçare përpara se ta qëllonte për vdekje të dashurin e saj me një pistoletë Desert Eagle të kalibrit 50, një nga pistoletat më të fuqishme në botë.
Videoja dramatike e bërë virale këto dy ditë, tregon momentet e fundit para se një djalë i apasionuar pas videove të bëra për Youtube, të detyronte të dashurën e tij të frikësuar ta qëllonte duke mbajtur një libër në kraharor. Fatkeqësisht, plumbi depërtoi librin e trashë duke e lënë atë të vdekur.
Monalisa Perez, 20 vjeç, goditi dhe vrau të dashurin e saj Pedro Ruiz III, 22 vjeç, në qershor 2017, ndërsa filmonte për videon e radhës të YouTube për kanalin e tij. Transkriptet e sapo lëshuara nga videoja tregojnë Perez, e cila ishte shtatzënë me fëmijën e tyre të dytë në atë kohë, duke thënë se ajo nuk donte ta qëllonte.
Ruiz i kërkoi të dashurën ta xhironte momentin, ndërsa mbante një enciklopedi të madhe në gjoks. Në pjesë të lëshuara të videos, Ruiz dëgjohet duke thënë se është gati të vdesë.
Monalisa u deklarua fajtore për vrasjen në dhjetor dhe u dënua me gjashtë muaj burgim.
Momentet e fundit të video bërësit të YouTube, para se ai të qëllohej për vdekje nga e dashura e tij, janë bërë publike ng Daily Mail.
Prokurorët në Norman County, Minnesota të premten kanë lëshuar video dhe transkripte nga video përfundimtare fatale e Pedro Ruiz, 22 vjeç dhe e dashura e tij shtatëzënë Monalisa Perez, 20 vjeç.
