Kryetari i PD Lulzim Basha, ka deklaruar gjatë ditës së sotme në Kuvend, se arsyeja e vetme që Shqipërisë nuk i hapen negociatat është Edi Rama.
Sipas tij një kryeministër i lidhur me krimin, nuk mund të krijojë asnjë hapësirë për të ardhmen Europiane.
DEKLARATA E KRYETARIT TE OPOZITES:
Pse Bundestagu rekomandon hapjen pa kushte te negociatave per Maqedonine dhe jo për Shqipërinë? Cili është ndryshimi që Maqedonisë i rekomandohet hapja e negociatave pa kushte nga Bundestag-u dhe Shqipërisë i vendosen kushte të rënda të paprecedentë për asnjë vend tjetër të Ballkanit?
Cila është arsyeja???
Arsyeja është një dhe vetëm një: Edi Rama.
Një kryeministër i lidhur me krimin dhe i zhytur ne krim, që kryeson sot një qeveri rekord të korrupsionit.
Një qeveri e cila ia ka dalë në vetëm tre vite e gjysëm ta kthejë Shqipërinë në prodhuesin më të madh të emigracionit për frymë në planet.
Më shumë emigrantë largohen nga Shqipëria si përqindje e popullsisë se nga çdo vend tjetër i botës duke përfshirë Sirinë, Afganistanin dhe vendet e tjera të luftës civile e të mënxyrave të tjera që s’mund t’i rrokë mendja njerëzore.
Përse? Sepse ky ka kryer një krim të pafalshëm , jo thjesht ka destabilizuar shkatërruar ekonominë, jo thjesht dhe vetëm ka mbyllur ditë për ditë qepenat e bizneseve që nuk përballojnë dot taksat, tarifat më të larta në Europë, për popullin më të varfër të Europës.
Jo thjesht dhe vetëm e ka shndërruar Shqipërinë në Kolumbinë e Mesdheut, në Kolumbinë e Europës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
