Kontrolli i Lartë i Shtetit ka gjetur abuzime dhe shkelje në punët e kryera nga kompania Fusha Sh.p.k, e cila është përzgjedhur pa garë nga qeveria për ndërtimin e Teatrit të Ri Kombëtar.
Fusha Sh.p.k është kontraktuar për shumë punë publike në nivel lokal ose qëndror. Këtu mund të përmendim Sheshin Skënderbej apo restaurimin e godinës së Ministrisë së Brendshme. Dhe tek kjo e fundit, Kontrolli i Lartë i Shtetit ka gjetur shkelje të shumta.
Fusha Sh.p.k ka marrë një shumë prej 272.598.931 lekësh (rreth 2.5 mln USD), për restaurimin e godinës së Ministrisë së Brendshme, por kur kanë kaluar jo më shumë se 1 vit, tarraca e kësaj godine ka nisur të çahet. Sipas vëzhgimit të specialitëve të KLSH-së, në tarracën e godinës u vërejt cedim dhe dëmtim i soletës së katit të dytë të objektit ekzistues. Sipas projektit për vlerësimin konstruktiv, përforcimi i soletës duhej të shoqërohej me punime shtesë në vlerën 14,800,377 lekë.
“Pas realizimit të procedurave të prokurimit me negocim pa shpallje paraprake të kontratës për shkak të emergjencës së godinës, në datën 31 gusht 2016 me operatorit ekonomik “Fusha” është lidhur kontratë shtesë për “Rikonstruksionin e Tarracës së Ministrisë së Punëve të Brendshme”, në vlerën 14,012,643 lekë me TVSH me afat 45 ditë kalendarike. Nga auditimi u konstatua se, ky dëmtim ka ndodhur për arsye të rikonstruksionit disa herë të tarracës, në vitet e mëparshme, por në projektin e zbatimit fillestar për restaurimin e godinës nuk janë marrë në konsideratë këto punime nga hartuesit e projektit, për pasojë kemi rritje të kostos së këtij objekti dhe përdormi pa efektivitet dhe pa ekonimicitet të fondeve shtesë për rindërtimin e kësaj tarrace në vlerën 14,012,643 lekë” – thotë KLSH në raportin e saj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
