31 vjeҫarja nga Shqipëria shet fëmijën e saj për 70 mijë euro. Për këtë vepër, nuk i ka shpëtuar as dënimit me burgim, 1 vit e 4 muaj.
Pasi mbeti shtatzanë me të dashurin e saj, ajo kishte vendosur mos e mbante fëmijën. Për këtë motiv, ua shiti fëmijën një ҫifti homoseksual.
Ngjarja ka ndodhur në Pavia.Shqiptarja për të mbuluar gjurmët u martua me avokatin homoseksual të cilit i shiti fëmijën. Edhe pse avokati jetonte me të dashurin e tij në apartament, fama e avokatit në Pavia, solli dhe dyshimet e para të policisë.
Pasi kishte marrë të dhënat e para, policia kishte nisur hetimet, ku ishte zbuluar edhe disa lëvizje të dyshimta parash, nga llogaria e avokatit te shqiptarja. Po ashtu edhe analiza e AND kishte zbuluar së fëmijë nuk ishte i avokatit.
Këto prova kanë detyruar të renë shqiptare që të pranojë të gjithë skemën e sajuar prej saj. Ajo ka pranuar se kishte pranuar që të martohej me avokatin dhe më pas do të merrte 70 mijë euro, duke i lënë fëmijën atij. Avokati italian do të regjistronte fëmijën në emrin e tij.
