Fillimisht u mendua se vdekja ka qenë për shkaqe natyrale, por pas hetimit të kryer nga ana e policisë dhe ekspertizës mjeko-ligjore rezulton se vdekja e Mehdi Kavajës kishte ardhur si shkak i dhunës së ushtruar ndaj tij.
60-vjeçari Mehdi Kavaja u gjetur pa shenja jete ne punishten e tij në lagjen Tophane të Shkodrës ku ai bënte riparime bravash të automjeteve.
Ishin familjarët që gjetën 60 vjeçarin e pajetë në punishten e tij rreth orës 15.30, të cilët njoftuan edhe policinë. Efektivë të kësaj të fundit bënë transportimin e trupit me anë të ambulancës në spitalin e Shkodrës. Ai njihej si person pa konflikte.
Viktimës i është konstatuar një vrime në kokë dhe pas autopsisë është gjetur edhe një plumb brenda. Por në njoftimin e saj paraprak policia e Shkodrës nuk flet për vrasje. Aty thuhet vetëm se “nga veprimet e para hetimore, ka rezultuar se viktima ka një vrimë në kokë, por pritet akti i plotë i ekspertizës mjeko – ligjore për përcaktimin e llojit të dëmtimit”.
Policia në njoftimin e saj thotë se ka nisur një hetim për çështjen nëse bëhet fjalë për vrasje apo ngjarje aksidentale
