Krimet në familje, që kanë njohur rritje ditët e fundit shkaktohen si pasojë e shkarkimit të një valvule problamatikash të akumuluara.
Kështu i shpjegon krimet në familje mjekja psikiatre Arjana Neli për mikrofonin e Ora Neës. Ajo profilizon personat që ndërmarrin akte të tilla ekstreme.
Arjana Neli: Ky lloj presioni i rritur brenda nesh, të presi atë pikun e vet që është pikërisht valvula ku cdo kush nga ne shpërthen, por tipa të tillë që mbajnë në terren personalitete të vecanta apo që kanë problematika të lidhura me shëndetin mendor, këtë valvul e shpërthejnë në mënyrë ekstreme.
Neli shton se ngarkesa e problematikave rrit krizën familjare.
Arjana Neli: Familja shqiptare, apo raporti mes individëve ndërpersonale midis individëve janë gjithashtu në krizë.
Rezulton se në të gjithë vendin, nga fillim janari e deri në fundmaj të këtij viti gjykatat shqiptare kanë lëshuar mbi 1200 urdhëra-mbrojtje për dhunën në familje.
Nga këto 400 urdhëra-mbrojtje janë lëshuar në Tiranë, ndërsa në shumicën dërmuese janë gratë ato që kërkojnë ndihmë, pasi dhunohen nga bashkëshortët. Në të gjithë vendin, mbi 500 burra janë ndaluar nga policia për dhunë dhe në rastet më të shumta, ata janë lënë të lirë. Por nuk mungojnë edhe rastet e prindërve të moshuar që dhunohen nga fëmijët apo të sherreve mes kunatave, nuseve dhe vjehrrave.
Ditët e fundit disa vrasje në familje kanë tronditur opinionin publik, ku në Tiranë një 31-vjeçar vrau ish-të dashurën dhe veten, ndërsa në Durrës bashkëshorti vrau të shoqen, për të mbërritur në rastin e fundit, kur në Milot gruaja qëlloi për vdekje bashkëshortin./Oranews
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
