Presidenti i Republikës Ilir Meta, gjatë vizitës së tij në Gjermani është takuar me disa të rinj shqiptarë, të cilët janë praktikantë në Bundestagun Gjerman.
Me anë të një statusi në “Facebook” Meta shkruan se gjatë takimit me të rinjtë, ata i shprehën shqetësimin e tyre për të ardhmen Evropiane të vendit dhe hapjen e negociatave.
POSTIMI I METES:
Kënaqësi e veçantë që u takova në Berlin me të rinj shqiptarë, praktikantë në Bundestangun gjerman.
Jashtëzakonisht të motivuar për të mësuar nga përvoja gjermane në fushën e demokracisë, funksionimin e institucioneve dhe të administratës si dhe të interesuar e të shqetësuar për të ardhmen evropiane të Shqipërisë, veçanërisht ndaj vendimit për çeljen e negociatave me Bashkimin Evropian. Në traditën më të mirë të dhjetra të rinjve shqiptarë, që kanë kryer me parë këtë praktikë edhe këta të rinj do të jenë një aset i vyer për të ardhmen e vendit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
