Procedohet anëtari i Forumit Rinor të Partisë Demokratike që qëlloi me vezë kryetarin e Bashkisë, Erion Veliaj paraditen e djeshme në Tiranë. Ngjarja u regjistrua në mometin kur Veliaj po hynte në takimin me aktorët lidhur me debatin mbi Teatrin Kombëtar.
21-vjeçari me iniciale O. G., banues në Tiranë është pjesë forumit të FRPD.
Në njoftimin e policisë thuhet se, “më datë 14. 06. 2018, u referuan materialet në Prokurorinë pranë Gjykatës së Shkallës Parë Tiranë dhe po punohet për shoqërimin e shtetasit O. G., 21 vjeç, banues në Tiranë, pasi rreth orës 10:50, në rrugën ‘28 Nëntori ‘, për shkak të detyrës ka qëlluar disa herë me vezë në drejtim të kryetarit të bashkisë, shtetasit E. V., Neni 237 i Kodit Penal.
Ai gjuajti me vezë në drejtim të Veliajt, kur kryebashkiaku po hynte në ndërtesën e hotel Plaza ku do të zhvillonte një takim me artistët për problemin e godinës së teatrit, dhe menjëherë kanë ndërhyrë rojet e sigurisë për ta larguar.
https://www.facebook.com/FakteInteresante.HD/videos/2191010291126810/
