Copa më e akullt e Antarktidës po shkrihet në një shkallë më të shpejtë sesa në çdo kohë të regjistruar më parë. Ky lajm vjen nga një studimi të ri gjithëpërfshirës, shkruan HuffPost.
Copa më e madhe e akullit të planetit po humbet më shumë se 240 miliardë ton akull çdo vit – një rritje tre herë më shumë se një dekadë më parë. Shkrirja po ndodh kaq shpejt sa që mund të shkaktojë që nivelet e detit të rriten 6 inç deri në fund të shekullit.
Ritmi i përshpejtuar i shkrirjes do të thotë se nivelet në rritje të detit mund të kërcënojnë komunitetet bregdetare shumë më herët se shkencëtarët kishin pritur. Amerika e Veriut, veçanërisht Bregu Lindor i Shteteve të Bashkuara, mund të goditet veçanërisht rëndë.
Studimi, i botuar të mërkurën në revistën Nature, është përshkruar si analiza më e hollësishme e bërë ndonjëherë mbi ndryshimet në copat e akullt të Antarktidës. Hulumtimi përfshinte më shumë se 80 shkencëtarë nga 44 organizata ndërkombëtare. U përdorën të dhëna të marra nga satelitët e shumtë, si dhe matjet e ajrit dhe terrenit dhe stmulimet kompjuterike.
“Ne i morëm të gjitha vlerësimet në të gjitha teknikat e ndryshme dhe dolëm në këtë konsensus,” tha Isabella Velicogna, një eksperte i akullit në Antarktik në Universitetin e Kalifornisë në Irvine për The Washington Post.
Hulumtimi tregon se Antarktida ka humbur pothuajse 3 trilion ton akulli që nga viti 1992. Nga kjo humbje, 40 për qind u regjishtruan nga 2012 në 2017.
