Sektori për Krimin Ekonomik dhe Financiar në Drejtorinë Vendore të Policisë Tiranë, në kuadër të operacionit policor të koduar “Medikamenti”, arrestoi…
– Julian Ll., 40 vjeç, banues në Tiranë (me detyrë administrator farmacie)
– E. P., 29 vjeçe, banuese në Tiranë, (me detyrë punonjëse farmacie)
Si dhe u shpall në kërkim dhe po punohet për ndalimin e..
– A. P., 66 vjeçe, banuese në Tiranë (me detyrë drejtuese teknike e farmacisë)
Personat e mësipërm në një pikë farmacie në rrugën “Kongresi i Manastirit”, tregtonin dhe shisnin produkte farmaceutike kontrabandë. Sekuestrohen 520 medikamente dhe produkte farmaceutike të llojeve të ndryshme.
Materialet iu referuan Prokurorisë së Rrethit Gjyqësor Tiranë, në ngarkim të shtetasve të lartpërmendur për veprat penale “Tregtimi dhe transportimi i mallrave që janë kontrabandë”, “Fshehja e të ardhurave” dhe “Riprodhimi pa të drejtë i veprës së tjetrit”, parashikuar nga nenet 178, 180 dhe 149/a të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
