Nuk ka ndjesi më të mirë sesa kur bëmat e mira, vlerësohen dhe shpërblehen duke u lartësuar si gjeste për tu marrë shembull. Florim Shehu u bë heroi i dy familjeve nga përmbytjet që goditën zonën Change në Francë fundjavën që lamë pas.
Mediat franceze shkruajnë se kreu i bashkisë Denis Mouchel nuk ka harruar premtimin e tij për mbështetje, duke hapur një fond në Bashki për ti ardhur në ndihmë azilantit nga Kosova.Florimi la makinën e tij “Peugeot 205” të notonte në lumë për tu ardhur në ndihmë njerëzve.
Florimi jeton me familjen e tij dhe sigurisht i duhet të sigurojë kushtet për jetesën duke kërkuar mundësi për punësim. Pa makinë për të lëvizur e ka të vështirë ndaj dhe fondi i hapur ka për qëllim mbledhjen e kontributeve për ti mundësuar Shahut blerjen e një makine të re.
Të dielën që lamë pas, Florim Shehu shpëtoi dy famijle fqinje që rrezikoheshin të mbyteshin për shkak të rritjes së nivelit të ujit nga përmbytjet që përfshinë rajonin e Mayenne-s.
Në fillim u kujdes për fqinjin dhe dy fëmijët të tij të cilët ishin të bllokuar në banesën e tyre për shkak të rritjes së nivelit të ujit. Ai i mori dhe i strehoi në apartamentin e tij një kat më lart. Më pas një telefonatë e djalit të një fqinji tjetër e alarmoi. Ai jetonte në Paris, por familja e tij ukrainase e cila jetonte në komunën e vogël të Changé ishte në telashe.
Florim nuk ngurroi të ndihmonte dhe ata. Prindërit dhe një grua të re të cilët jetonin në katin përdhesë që ishte i mbushur me ujë. Dera ishte e mbyllur dhe u duhej të dilnin nga dritaret.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
