Qyteti i Durrësit është një prej qyteteve e cila mbart vlera historike të patjetërsueshme. Këtë e dëshmon jo vetëm historia e shkruar, por dhe kërkimet në fushën e arkeologjisë. Nga gërmimet e fundit në “Forumin Bizantin” janë zbuluar disa objekte të rëndësishme arkeologjike.
Gërmimet në këtë pjesë të rëndësishme arkeologjike të qytetit ndodhen në sesionin e 6-të saj. Pika më e thellë e gërmimeve, nxori në dritë disa objekte që datojnë që prej shekullit 2-të apo të 3-të pas Krishtit.
Sipas arkeologut Eduart Shehi, zbulimi i shtresave të hershme, si enë qeramike balte e qelqi, bizhuteri, enë bronxi si dhe pjesë të tjera dëshmojnë braktisjen e menjëhershme të një banese të rrëzuar në mënyrë dramatike.
Ekspedita arkeologjike shqiptaro-franceze ka zbuluar fragmente muresh që i përkasin shtresëzimit të periudhës romake. Vetëm pas një muaji pritet që ekspedita franceze të dalë me konkluzionet përfundimtare mbi zbulimet arkeologjike, në të cilat fle qyteti antik i Durrësit.
