Sot Partia Socialiste feston, por ish Ministri i Brendshëm me shumë gjasë do të qëndrojë në Tiranë larg festës që pritet të zhvillohet në Durrës… ama një mesazh e ka dërguar.
Përmes llogarisë së tij në rrjetin social, Tahiri ka hedhur disa fjalë që nga njëra anë flasin për një kohë të shkuar, kur kryeministri e quante “kampion” dhe nga ana tjetër flasin për një të tashme, kur kryefjala mbetet padrejtësia.
Tahiri shkruan se ai ka jetuar pak më shumë se gjysmën e “jetës” së PS-së brenda katër mureve të saj si dhe përkrah njerëzve që e kanë përkrahur, votuar e dashur. Ish Ministri i rikthehet me pak fjalë dhe shumë pauza (presje) kohëve të shkuara të kaluara në PS.
Madje në një fjali ai shkruan se pavarësisht se vetë ai “ka parë keq”, ka të tjerë plot që kanë përjetuar e do tëe shohin “keq e më keq”.
Në fund të mesazhit të tij, Tahiri e risjell veten në të tashmen duke thënë se “do të ringrihemi, për gjithçka nuk bëmë e për të mos u përkulur para padrejtësisë”.
E mbase është dhe mesazhi i koduar i Tahirit, i cili kur flet për “padrejtësinë”, fillimisht ja drejton asaj se çfarë i ndodhi atij vetë, një kujtesë që ish Ministri nuk e harron as në ditë feste…. sidomos kur festa është e asaj Partie e cila e përjashtoi nga rradhët e veta./g-e
Postimi i plotë i Tahirit:
Nga 27 vjet, kam jetuar pak me shume se gjysmen e tyre mes shume burra e gra, te rinj e te reja ne PS.
Disa nuk jetojne me, te tjere jeta u ka hapur rruge te reja, shume jane ende e shume bashkohen.
Kam pasur privilegjin te njoh shume, te flas, te debatoj e mbi te gjitha te ndjej mbeshtetjen e shume prej tyre ne cdo moment. Akoma me shume sot.
Momente te veshtira ka gjithmone, jeta ma solli ta kuptoj shume mire kete.
Ka plot te tjere qe kane pare e shohin keq e me keq ama. E ndoshta as flasin dot.
Por dikur, do ringrihemi! Heret, me shume se vone. Per gjithcka nuk beme dot, e gjithcka duhet te bejme per te mos u perkulur para padrejtesise.
Per te dobtin qe do ze, te varfrin qe do nje shans, te mundurin qe do drejtesi, te pastehun qe do shtepi, te papunin qe do pune, te aftin qe do merite, te gjithe ne Shqiperine tone, 27 vjet jane mjaftueshem per te kuptuar ku do hedhim kemben e rradhes.
Gëzuar
