Për krimin e dyfishtë në Don Bosko SHÇBA kanë nisur hetimet administrative rreth menyres se trajtimit te denoncimeve të vajzës. Sipas burimeve zyrtare por merren në pyetje të gjithë policët e komisariatit 3 të cilët kanë marrë denoncimin e vajzës. Në fund të këtij hetimi administrativ do të ketë edhe një raport.
Paraditen e 8 qershorit, 31-vjeçari Xhafer Mata vrau me armë zjarri ish-të dashurën e tij Xhuljeta Çuni, 19 vjeç, e më pas qëlloi veten me plumb në kokë.
Ngjarja e rëndë e ndodhur në zonën e “Don Boskos” duket se ishte e paralajmëruar, kjo për faktin se Mata dhe Çuni ishin ballafaquar disa herë në komisariat.
Detajet e publikuara pas ngjarjes së rëndë, nxorën në dritë faktet se 19-vjeçarja e kishte denoncuar autorin në Komisariatin nr.3 për përndjekje, por sipas familjarëve të saj, policia nuk mori asnjë masë.
Nga ana tjetër, edhe Xhafer Mata e kishte kallëzuar 19-vjeçaren për mashtrim, me pretendimin se i kishte marrë një sasi parash.
