Mbrëmjen e djeshme, kryetari i Bashkisë së Tiranës, Erion Veliaj, ishte i ftuar në emisionin “Tonight” të Ilva Tares. Në një deklaratë të tijën, ai foli për një plan – projekt, i cili mund të zbatohet së shpejti në Shqipëri.
Sipas Veliaj, mund të ndalohet importi i këtyre qenve për Shqipërinë, duke mos lejuar më mbajtjen e tyre nga persona të ndryshëm. Veliaj i ka quajtur meshkujt që mbajnë një “Pit Bull” të frustruar seksualisht, si edhe i ka etiketuar si “laca”.
Sipas kryebashkiakut, është diskutuar edhe me ministrin e Bujqësisë, Niko Peleshi, dhe të dy ndajnë të njëjtim mendim për këta qen.
“Këta të frustruarit e tjerë që mbajnë pitbulla. Një mashkull duhet të jetë seksualisht rëndë i frustruar që të shëtisë me pitbull. Ka probleme që vetëm Frojdi mund t’i zgjidhë. Këta njerëz do të duhet të përballen me ligjin. Unë jam radikal. Besoj që disa kafshë që në të gjithë botën statistikisht jo vetëm sulmojnë më shumë, por edhe kafshojnë me efekt vdekjeprurës nuk duhet të jenë fare. Kam diskutuar me ministrin e Bujqësisë sepse Shërbimi Veterinar për kafshët shtëpiake është i Ministrisë së Bujqësisë, kur ai për kafshët e rrugës është i bashkisë së Tiranës. Edhe unë dhe Niko jemi radikal po diskutojmë që të ndalohet komplet importi i këtyre kafshëve agresive dhe në pamundësi për të patur Frojdin që asiston për të gjithë këta meshkuj të frustruar, të kemi mënyra të tjera, si gjoba, apo konfiskim. Zakonisht janë ata që në gjuhën popullore do të jetë kategoria e lacave që shëtisin me pitbull që të fitojnë respekt, që nuk e fitojnë dot ndryshe nga popullsia. Ky është mendimi im jo shkencor. Duke parë prototipa që lëshojnë qenë të tillë ose i vënë të zihen për baste, më rezulton që populli nuk e ka fare gabim këtë përkufizim”, deklaroi Veliaj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
