Një qenushe e rracës pitbull është konsideruar ‘heroinë’ pasi shpëtoi familjen e saj nga zjarri që përfshiu shtëpinë në Kaliforni.
Nana Chaichanhda është zgjuar nga kafsha e saj tetë muajshe, Sasha rreth orës 10 në mbrëmjen e 3 qershorit. Sipas Dailymail, qenushja po qante në derën e oborrit të shtëpisë në përpjekje për ta paralajmëruar për zjarrin.
“Ajo po mundohej të na mbronte nga zjarri. U ngrita nga krevati për të parë se cfarë po ndodhte. Në atë moment, hapa derën e pasme dhe Sasha vrapoi për në tualetin e shtëpisë”, tha Chaichanhda.
Pastaj kuptoi se flakët ishin në shtëpinë e kushërinjve të saj, të cilët i ka dhe fqinjë. Sasha shpëtoi edhe foshnjen 7 muajshe duke e tërhequr nga pelenat për ta nxjerrë nga shtëpia.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
