Policia rrugore e Tiranës ka dalë në aksion edhe për këtë fundjavë nëpër akset rrugore.
Duke apeluar për një fundjavë/argëtim por jo abuzim me rregullat e qarkullimit, “Rrugorët” e Tiranës bëjnë të ditur se është ndaluar me 200 km/h, një 29-vjeçar nga Durrësi.
“Papërgjegjshmëri në drejtim të automjetit.
Nuk i ndalon policisë duke rrezikuar jetën e punonjësve të policisë, jetën e tij e të përdoruesve të rrugës, por kapet pas ndjekjes nga patrullat e qarkullimit.
– Një drejtues mjeti i përgjegjshëm të ndihmon të festosh dhe një ditë tjetër.
– Shpejtësia të nxit, por të vret”, apelon Policia Rrugore.
Po ashtu, objekt i punës në të gjitha rrugët e Tiranës, ka qenë edhe kontrolli me drager nga Policia Rrugore e Tiranës.
Për pasojë, në rrugën “Sulejman Delvina” u verifikua se shtetasi me iniciale E. D., vjeç 36 drejtonte mjetin nen efektin e alkoolit në masën 0.91 mg/l
“Drejtues mjetet kujtohuni gjithmonë – alkooli shkon ne stomak, por turbullon kokën dhe një mjet drejtohet me koke!”, adreson apelin tjetër Policia Rrugore e Tiranës.
https://www.facebook.com/1502420603377639/videos/2176385965981096/
