Një shqiptar mbeti i vrarë gjatë grabitjes së makinës nga një grup banditësh në Mali, një shtet në Afrikë.
Ngjarja ndodhi të premten në Mali. Agjencia franceze “Badama.net” raportoi, shqiptari i vrarë ishte punonjës i kompanisë “Ecolog”, nënkontraktor i Misionit të OKB-së në këtë shtet.
Gjatë tentativës për të grabitur makinën ku mbeti i vdekur shqiptari, u plagosën edhe dy kolegët e tij, një kosovar dhe një maqedonas.
Në grabitje dyshohet se morën pjesë katër persona. Misioni i OKB-së në Mali gjithashtu konfirmoi lajmin duke shkruar në Tëitter: “Mëngjesin e sotëm në Gao, automjeti që furnizon me ushqime në Minusma, u sulmua nga persona të armatosur. Shoferi i automjetit u vra, kurse dy pasagjerë u plagosën dhe po marrin trajtim mjekësor në Spitalin e Minusma në Gao. Minusma dënon ashpër këtë sulm”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
