Ish-ministri i drejtësisë, Ylli Manjani, paralajmëron se cila do qoftë përgjigja zyrtare për audiopërgjimin ku është i përfshirë vëllai i ministrit të Brendshëm Fatmir Xhafajt, Agron Xhafaj nuk do të ketë asnjë vlerë nga ana ligjore.
Sipas Manjanit para se të bëhej ekspertiza e audiopërgjimit Prokuroria e Krimeve të Rënda duhet të kishte marrë në pyetje dy personazhet që janë pjesë e këtij audiopërgjimi që janë, Albet Veliu dhe Agron Xhafaj.
POSTIMI I MANJANIT:
Cilado qoftë përgjigja e ekspertimit të audio-përgjimit, ligjerisht duhet ta ziejnë dhe ti pijnë lëngun!
Po në bazë të ligjit, letrën që do shkruhet ajo përgjigje, me nder Jush, mund ta përdorin kur të mbarojnë punë në hale. Uroj të jetë letër e butë…
Këtë akt nuk e përsor dot para asnjë gjykate! Sepse ky është akti i degjenerimit hetimor në Shqipëri!
Prokuroria nuk kreu asnjë veprim hetimor verifikues, si thirrja verifikimi i telefonatave apo balladaqimi i personave. Përkundrazi lejoi largimin mga territori edhe të Agronit (Gerondit) edhe të Albertit (Babales).
Prokuroria as palo kallëzimin e bërë natën nga Agroni, nuk e bëri dot deponim proçedural. Pra pa bërë veprimet e thjeshta hetimore, nxitoi të mbështeste deklarimet publike të Ramës për mos autenticitetin.
As vetë Fatmiri nuk e priste këtë gjë, sepse ishte i bindur që takimi kishte ndodhur, ndaj e nisi vëllanë për gjithë natën në burg!
Prokuroria tashmë është e pa besueshme sepse është tërësisht në shërbim të vëllait të Agronit.
Shpejtësia mahnitëse me të cilën punoi Prokuroria natën, e bëjnë atë përfundimisht gazi i ditës!
Ndaj, ka të drejtë Ambasadori Lu, kur kërkon “hetim të pavarur”, për këtë çështje! Tjetër gjë se si erdhëm deri këtu…
Halli është se kjo çështje po shkon drejt shuarjes, si të gjitha të tjerat….
Ne na rroftë reforma!
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
