Një aksident i rëndë ka ndodhur pasditen e sotme në autostradën Fier-Lushnje, në fshatin Vajkan.
Raportohet se një makinë e tipit “BMW” është përplasur me një autobus dhe ka përfunduar jashtë rruge.
Përplasja ka qenë e fortë dhe siç duket nga pamjet në video dëmet në mjete kanë qenë të konsiderueshme.
Nga aksidenti ka mbetur i lënduar drejtuesi i makinës, i cili ka marrë dëmtime në këmbë.
Ai është transportuar drejt spitalit për marrjen e ndihmës mjekësore dhe ndodhet jashtë rrezikut për jetën.
Nga hetimet paraprake të policisë dyshohet se shkak i aksidentit ka qenë parakalimi i gabuar./Ora News
