Pas Dino Selimit që u largua nga Drejtoria e Shërbimeve të Transportit Rrugor në Gjirokastër, një tjetër drejtues ka dorëzuar detyrën. Është fjala për Flori Veliun, drejtor i Inspektoriatit të Punës. Veliu e mbante këtë post që prej dhjetorit të vitit 2013.
Në fund të muajit maj ai ka paraqitur dorëheqjen, për t’u larguar drejt një posti tjetër në administratën publike përmes transferimeve me DAP.
Vendi i lënë prej tij aktualisht është shpallur vakant. Pritet që të ndiqet një procedurë konkurrimi, të paktën formalisht, derisa të mësojmë drejtuesin e ri të Inspektoriatit të Punës në Gjirokastër.
