Bie në kurthin e policisë grabitësi i banesave në Shkodër. Tenton të vjedh një banesë me armë, arrestohet në flagrancë nga policia.
Nga strukturat e Drejtorisë Vendore të Policisë Shkodër, pas një pune disa mujore të aplikuar me metoda speciale të hetimit u finalizua sot, me sukses operacioni, ku u bë kapja dhe arrestimi në flagrancë i Sokol Dedaj, 33 vjeç, banues në fshatin Bardhaj, Shkodër,
Arrestimi i tij u bë pasi u kap në tentativë për të vjedhur me armë zjarri banesën në pronësi të T. V., 63 vjeçe, në Dajç, Bregu i Bunës, Shkodër.
Në momentin e kapjes iu gjet dhe sekuestrua një armë zjarri automatik model 56, me një krehër me fishekë.
Materialet iu referuan Prokurorisë pranë Gjykatës së Shkallës së Parë Shkodër për veprën penale të “Vjedhje me armë” dhe “Prodhimi dhe mbajtja pa leje e armëve luftarake dhe municionit”, parashikuar nga neni 140 e 278 të Kodit Penal.
https://www.facebook.com/1502420603377639/videos/2174241642862195/
