Pak ditë pas finales së Champions League, finale e cila u fitua nga Reali i Madridit, ylli i tyre, Sergio Ramos është vënë në një sër akuzash nga tifozë të Liverpoolit dhe opinionit sportiv. Ai i është rikthyer kësaj teme, ku nuk ka mbetur pa thumbuar dhe sulmuesin brazilian të Liverpoolit, Roberto Firminho.
“Në fillim thanë se e dëmtova me dashje Mohammed Salah. E vërteta është se ai kapi krahun tim në fillim dhe rrëzimi ishte aksidental. Fatkeqsisht ai dëmtoi krahun tjetër. Tani po shoh që thonë se kam dëmtuar portierin Karius dhe ky ishte shkaku që ai gaboi. Ka mbetur vetëm të thonë që Firmino mori ftohje nga djersa ime.“-ka thënë Ramos për mediat spanjolle.
Ramos akuzohet se dëmtoi me dashje yllin e “The Reds”, Mohamed Salah dhe portierin Loris Karius./o-n
