“Çmendet” Cristiano Ronaldo. Ylli portugez i Realit të Madridit “tronditi” jo pak skuadrën “Galaktike” që menjëherë pas triumfit në finalen e madhe të Kievit, kërkoi largimit.
Megjithatë, presidenti i Realit të Madridit, Florentino Perez duket se ka kërkuar menjëherë takim me yllin portugez. Sipas mediave spanjolle, mes tyre është konsumuar një takim që si epiqendër ka pasur kontratën e Ronaldos me klubin spanjoll.
Duke iu referuar “Cadena COPE”, Ronaldo i ka kërkuar jo më pak se 75 milionë euro në sezon klubit spanjoll si dhe një kontratë që e lidh me Realin deri në vitin 2024, një kontratë që do ta shikonte Ronaldon tek Reali deri në moshën 39 vjeçare./o-n
