Tirana ka pritur këtë te hënë delegacione nga shume vende te rajonit dhe jo vetëm, ne konferencën e Akabas, organizuar nga Mbreti i Jordanisë, e cila kryefjale te saj kishte luftën kundër ekstremizmit te dhunshëm.
I pranishëm ne këtë aktivitet Princi Ghazi Bin Muhamed, i cili është kryekëshilltar për kulturën dhe fenë e i dërguar special i Mbretit Abdullah u ndal tek beteja kundër këtij fenomeni, te cilën e ka cilësuar një sfide e cila zgjidhjet mund ti këtë vetëm brenda islamit.
Sfida është sfide ideologjike dhe është brenda për brenda islamit dhe nuk mund te zgjidhet duke aplikuar zgjidhje nga jashtë Islamit. Nëse e shohim faktorin ideologjik si faktorin shtytës, ka gjithashtu faktor tërheqës dhe këto lidhen me tepër me pakënaqësinë individuale dhe padrejtësinë. Duke i trajtuar njerëzit me drejtësi, edhe ata qe kane qene luftëtare edhe ata qe kane kryer vepra penale, duke zbatuar ligjin ne mënyrë te drejte, kjo na hap rrugën dhe mundësinë për dialog.
Kryeministri Edi Rama u ndal tek harmonia fetare e Shqipërisë, e cila do duhet te ruhet dhe për brezat e ardhshëm.
Ne një vend si Shqipëria ku toleranca fetare është një thesare i vërtetë siç e ka thënë dhe Papa Francesku është vëllazëri, por gjithashtu ne jemi te vetëdijshëm qe ky është një thesar qe duhet ta mbrojmë por ne te njëjtën kohe edhe te trajtojmë nevojën qe kemi ne lidhje me brezat e ardhshëm qe ata te jene te ndërgjegjshëm për këtë thesare fantastik qe kemi.
Kryeministri i Kosovës Ramush Haradinaj beri një bilanc te përpjekjeve te vendit te tij ne luftën kundër ekstremizmit te dhunshëm ndërsa kryeministri i Bullgarisë kërkoi angazhim maksimal nga te gjithë vendet e rajonit ne përballjen e këtij fenomeni.
