Gjykata e Tiranës ka pranuar kërkesën e Prokurorisë për ndryshimin e akuzës për tre të rinjte që kanë qenë të pranishëm në vrasjen e 22-vjeçarit Marvin Mihali.
Prokuroria e Tiranës kishte kërkuar rikthimin në qeli të Dejvi Bitraj, Kridens Alla dhe Marsel Alla, të cilët u lanë të lirë nga gjykata, pasi akuzoheshin për moskallzim krimi në lidhje me vrasjen e të riut Marvi Mihali.
Prokurori Gjergj Tako i ka kërkuar gjykatës ndryshimin e akuzës për ta nga moskallzim krimi në bashkëpunëtor në vrasje.
Ndërkohë në qeli është Eugen Bitraj, i cili sipas prokurorisë së Tiranës rezulton të jetë njeriu i vetëm që ka qëlluar me thikë në zemër Marvin.
Marvi Mihali u vra mbrëmjen e 31 korrikut pranë stadiumit ‘Dinamo’, ndërsa të rinjtë dyshohet se u konfliktuan për një karikues celulari.
Lirimi i tre të rinjve u prit me shumë pakënaqësi tek familjarët e viktimës, të cilët reaguan ashpër edhe neper rrjete sociale por dhe duke drejtuar ankesa në prokurori.
