Raporti më i fundit i CPT, organit kundër torturave në Këshillin e Europës thotë se janw te shqetësuar seriozisht për kushtet e jetesës së pacientëve psiqikë që pavarësisht rekomandimeve të bëra në vitin 2000 janë përkeqësuar më tej pas vizitës së fundit në shqipëri në 2014-ën. Në raport thuhet se kurat psikiatrike të ofruara mbeten qartësisht të pamjaftueshme. Kushtet në të cilat mbahen të dënuarit me probleme mendore në shqipëri, kryesisht në burgun special Zaharia për të burgosurit e sëmurë në Krujë dhe spitali për të burgosurit në Tiranë mund të konsiderohen qartë si jo njerëzore dhe të degraduara.
Në fakt, citon raporti i CPT, kushtetet e jetesës në të dyja vendet e lartapërmendura janë shkatërruar edhe më tej që prej vizitës në vitin 2014, në vecanti sa i përket riparimeve dhe mbipopullimit dhe me disa pacientë të cilët janë të detyruar të flenë në tokë.
Gjithashtu është vënë re mungesë totale e ngrohjes dhe akses i kufizuar ndaj ujit të ngrohtë. Sakaq, niveli i përkujdesjes psikike mbetet qartësisht i pamjaftueshëm.
Duke parë përkeqësimin e situatës CPT i ka kërkuar autoriteteve një plan të detajuar për ndërtimin në një kohë të shkurtër të strukturave të reja. Ndërkohë delegacioni që ka vizituar vendin tonë i institucionit kundër torturave në këshillin e europës vlerëson se ka përmirësime përsa i përket kushteve të qelive dhe pjesës më të madhe të stacioneve të policisë, si për numrin e denoncimeve për keqtrajtimet ashtu edhe të personave të arrestuar.
Në përgjithësi thotë raporti informacioni i mbledhur gjatë vizitës në vitin 2017, tregojnë për një trend pozitiv ndaj situatës në 2014. Në të vërtetë, në pjesën më të madhe të burgjeve apo rajoneve të policisë që ka vizituar delegacioni, përkatësisht Drejtoria e policisë rajonale Tiranë, Durrës, Gjirokastër Korcë dhe rajonet e policisë në Vlorë, kushtetet materale janë të përshtatshme. Megjithatë kushtet mbeten shumë të varfra në rajonin e policisë 1 dhe 3 në Tiranë dhe në rajonin e policisë së Sarandës (qeli të rrënuara me akses shumë të kufizuar ndaj dritës natyrore dhe ajrim i varfër).
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
