Në ishullin e Kretës janë arrestuar dy shtetas grekë dhe dy shqiptarë, që akuzohen për kultivimin e kanabisit.
Kanabisi ishte mbjellë në një ullishte, në rrethinat e Agio Vasilios, që i përket distriktit të Rethimnos. Policia zbuloi dhe sekuestroi 531 bimë, me lartësi deri një metër.
U sekuestruan gjithashtu një armë luftarake dhe një çifte gjahu, një shumë parash prej 1.000 eurosh që konsiderohen produkt i shitjes së drogës, 9 telefona celularë, një automjet dhe pajisje të ndryshme që përdoreshin për kultivimin e kanabisit.
Dy shtetasit grekë me moshë 40 dhe 52 vjeç, si dhe dy shqiptarët, njeri 21 dhe tjetri 31 vjeç, do të dërgohen të premten në prokurorinë e Rethimnos, për t’iu komunikuar akuza.
/o.n/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
