Dy shpërndarës drogash të forta janë prangosur në Kurbin e Berat, ndërsa u është bllokuar edhe “malli”.
Sipas burimeve të DVP., Lezhë, mësohet se dje, u bë i mundur kapja në flagrancë e Kristian Ndoci, 19 vjeç, banues në Kurbin.
Ndalimi i tij u bë sepse, gjatë kontrollit fizik iu gjetën dhe sekuestruan në cilësinë e provës materiale 4 doza lëndë e dyshuar narkotike Kokainë, të cilat i mbante për ti shitur.
Vepra penale në ngarkim të tij “Prodhim dhe shitje e lëndëve narkotike” parashikuar nga neni 283 i Kodit Penal.
Materialet proçeduriale në ngarkim të tij i kaluan Prokurorisë së Rrethit Gjyqësor Kurbin, për veprime të mëtejshme.
Po ashtu, sipas burimeve të DVP., Berat, mësohet se nga Specialistët e Seksionit për Hetimin e Narkotikëve u bë arrestimi në flagrancë i Ilir Leka, 43 vjeç, banues në lagjen “30 Vjetori”, Berat.
Arrestimi i tij u krye, pasi gjatë kontrollit që u ushtrua nga shërbimet e policisë në automjetin e tij dhe kontrollit fizik, iu gjetën dy doza lëndë narkotike e dyshuar Heroinë.
Materialet i kaluan Prokurorisë së Rrethit Gjyqësor Berat për veprën penale, ”Prodhimi dhe shitja e narkotikëve”, parashikuar nga neni 283/1 i Kodit Penal. DRONI.al
