Ministri gjerman për Europën, në Zyrën Federale për Punë të Jashtme, Michael Roth, e sheh integrimin si një sinjal pozitiv dhe tepër inkurajues për të rinjtë ne Shqiperi.
Në një intervistë për gazetën gjermane “Welt am zonntag”, Roth tha se hapja e negociatave do të jenë një sinjal inkurajues për njerëzit, veçanërisht për të rinjtë në Shqipëri dhe Maqedoni.
Por sipas ministrit gjerman çelja e negociatave nuk është hapi i vetëm,por është një rruge të gjatë që e pret Shqipërinë.
“Rruga drejt Bashkimit Evropian është ende e gjatë dhe për çdo hap ka një kusht të qartë. Pra, çështja e hapjes së negociatave nuk ka të bëjë me pranimin e menjëhershëm, por është hapi i parë drejt një rruge të gjatë”, theksoi Roth.
Ministrit gjerman shprehu se reforma në drejtësi e nisur në Shqipëri do ta çojë vendin përpara dhe procesi i pranimit në BE është mundësia më e mirë për të vëzhguar punën e qeverisë në plotësimin e kushteve.
“Procesi i pranimit për në BE është mënyra më e mirë për të parë përpjekjet e qeverisë shqiptare në plotësimin e kushteve”, nënvizoi ai.
