Emisioni investigativ “BOOM” në RTV Ora News ktheu vëmendjen tek produktet që konsumojmë dhe zgjodhi qumështin për ta analizuar për aflatoksinë.
Zgjodhëm një firmë qumështi dhe e nisëm si dy monstra të ndryshme për laboratorin e ISUV-it por në fakt bëhet fjalë për firmën e qumështit “Mireli” me datë skadence 06.05.2018.
6 shishet e qumështit, “BOOM” i ndau në 6 shishe qelqi nga 1 litër dhe i etiketoi Q1 dhe Q2.
Faza e parë e punës, blerja e qumështit dhe shisheve të qelqit dhe faza e dytë përgatitja e qumështit për tu nisur në laboratorin e ISUV-it.
Pasi përfundoi me përgatitjen e qumështit, pra hedhjen në shishet e qelqit, dy monstrat e të njëjtit qumësht të ndarë në 6 kampione, “BOOM” i çoi pranë ISUV-it.
Pas 7 ditësh, “BOOM” mori përgjigjet, ku rezulton që të dy monstrat kanë aflatoksinë mbi normën e lejuar. Kujtojmë që norma e lejuar në vendin tonë është 0.05 në produkt.
Në po të njëjtjën ditë, ISUV nis drejt Ministrisë së Bujqësisë dhe Autoritetit Kombëtar të Ushqimit “informacion për rezultatet mbi normë”, pikërisht pas përgjigjes së analizave të monstrave të dorëzuara nga emisioni “BOOM”.
Ekspertja e Sigurisë Ushqimore, Aelita Mani, shpjegoi për “BOOM”, se çfarë është aflatoksina dhe rreziqet që sjell konsumimi i produkteve me këtë toksinë.
Aelita Mani: Është një toksinë e krijuar nga myku që rritet tek drithërat, misri, gruri. Nëqoftëse e konstaton dhe e fut në sistem atëherë kjo është e pafalshme dhe për mua bën vepër penale. Aflatoksina prezente në qumësh, nënproduktet e qumështit është përgjegjëes për kancerat në mëlçi, prish funksionin e veshkave.
Për të qenë më të sigurt dhe për rezultatin nga ISUV por edhe për produktin qumësht të zgjedhur nga firma “Mireli”, “BOOM” bleu sërish nga kjo firmë 3 shishe qumësht me datë skadence 18.5.2018 dhe e vendosi në shishet e qelqit, duke e etiketuar QA.
Faza e tretë e punës është dorëzimi i kampioneve në laboratorin e ISUV-it dhe pas 7 ditësh sërish “BOOM” merr përgjigjen.
Edhe kjo monstër rezultoi pozitive ndaj aflatoksinës, duke kaluar vlerën e lejuar 0.05. Rezultati i analizave për këtë monstër shënoi 0.080.
Emisioni “BOOM” siguroi dokumente te bllokimit të kësaj firme në AKU.
Pas një inspektimi të bërë me datë 8 dhe 9 shkurt 2018 u bllokua veprimtaria e prodhimit dhe produktet e prodhuara deri në atë datë pasi qumështi rezultoi në përbërje të tij me aflatoksinë.
Burime jozyrtare për emisionin “BOOM”, bëjnë me dije se firma “Mireli” vazhdon të figurojë e bllokuar në AKU por për fat të keq në realitet prodhon dhe tregton pasi gjendet çdo ditë në dyqanet, marketet dhe supermarketet e kryeqytetit.
/Ora News/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
