14 tërmete me magnitudë nga 2.3 deri në 4.5 ballë lekundën natën e kaluar jugun e Shqipërisë, ndërsa epiqendra ishte në qytetin e Vlorës, 14 km nga Orikumi me një thellësi prej 2 kilometër.
Lëkundje përveç Vlorës ka pasur edhe në disa qytete të tjera, si Gjirokastra, Tepelena, Korça dhe Përmeti.
Nga lëkundjet nuk raportohet për të lënduar, por vetëm dëme të shumta materiale. Në një lidhje telefonike për Report Tv, sizmologu Rrapo Ormeni është shprehur se pritet që të ketë lëkundje të tjera, por me magnitudë të vogël.
Si paraqitet situata dhe a pritet që të ketë lëkundje të tjerë?
Seria e goditjeve, që kanë filluar në datë 14 maj, shoqëruar deri dje, që ka rënë me magnitudë 4.6 ballë në orën 20:14, epiqendra është në Dhërmi, në kufi me Tepelenën. Intensiteti ka qenë 6 ballë dje, është frikësues, është ndier edhe në Tepelenë 5 ballë, por edhe në Vlorë 4 ballë. Është shoqëruar edhe me një seri tjetër, magnituda ka qenë 3.2, pra ka ardhur në rënie. Intensiteti i tyre është në rënie.
Vetëm jugu është i rrezikuar, apo edhe zona të tjera?
Kur ndodh një tërmet ka prishje të ekuilibrit dhe derisa të vendoset, të çlirohet energji, do të kemi rënie të tërmeteve, vazhdim të lëkundjeve në këtë zonë në Jug-Perëndim, ku historikisht ka tërmete. Nga ecuria e lëkundjeve, themi se intensiteti është në zvogëlim.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
