Gjykata e Apelit në L’Auqila në Itali e ka dënuar me 7 vjet burg shqiptarin Enriges Kavalli, 21 vjeç, i cili rrëmbeu dhe përdhunoi nën kërcënimin e thikës, infermieren që kujdesej për të. Ky dënim është 1 vit më shumë sesa i ishte dhënë më herët. Në shkallën e parë të gjykimit, Kavalli ishte dënuar me 6 vjet.
Ai përfitoi 10 vjet ulje dënimi nga gjykimi i shkurtuar.
Në nisje të seancë, dje paradite, shoqatat kundër dhunës me baza gjinore në Itali organizuan një protestë para Gjykatës së L’Aquila.
Kavalli kishte qenë i shtruar në një spital psikiatrik në Marsica kur kreu kremin; ai arriti të merrte një thikë kuzhine dhe me të kërcënoi dy infermieret. Më pas, rrëmbeu vetëm njërën dhe u largua me makinë për ta përdhunuar. Infermierja arriti të arratisej, ndërsa Kavalli u ndoq nga policia derisa u arrestua.
