Mbrëmjen e sotme e gjithë vëmendja e futbolldashësve do të drejtohet drejt Francës. Miliona njerëz do të jenë nën emocionet e një ndeshje të madhe. Marseille dhe Atletico Madrid do të perballen për trofeun e Ligës së Evropës.
Në “Parc Olympique Lyonnais” do të zbresin dy skuadrat më në formë të kompeticionit, Marseille dhe Atletico Madrid. Francezët vijnë pas një ndeshje të vuajtur në fazën gjysmëfinale, duke eliminuar pas 210 minutave austriakët e Salzburg me rezultatin e përgjithshëm 3-2 ndërkohë që spanjollët janë në këtë fazë pasi eliminuan me radhë skuadra si Lokomotiv Moskow, Sporting Lisbonë dhe Arsenal.
Priten emocione të mëdha ne këtë sfidë ndërkohe që është bërë publik formacioni i të dyja skuadrave.
