Deputetja e Partisë Demokratike, Jorida Tabaku ka deklaruar se asnjë vend i BE-së nuk mund të ketë besim tek një qeveri e inkriminuar deri në këtë pikë.
Postimi i Jorida Tabaku:
“Kjo audio është ajo çfarë qeveria Rama ka përfaqësuar që në shtatorin 2013. Një grup të organizuar me pushtet që kanë menduar vetëm për të mbrojtur grupet kriminale, të cilët më pas ndihmonin mazhorancën të fitonte pushtet dhe zgjedhje”, deklaron ajo.
“Asnjë vend i BE-së nuk mund të ketë besim tek një qeveri e inkriminuar deri në këtë pikë, asnjë polic nuk mund të kryejë detyrën e tij kur ministri mbron vëllain e tij nga ligji. Mes ëndrrës së shqiptarëve për integrimin në BE dhe mundësive ndodhet muri i drogës së ngritur nga një kryeministër, që jo rastësisht të dy ministrat e rendit i dalin të përfshirë kokë e këmbë në rrjete kriminale mafioze”, shton deputetja demokrate.
https://www.facebook.com/jorida.tabaku/videos/1746663402088284/
