Një studim i ri sugjeron se femrat i shohin meshkujt që e ‘reklamojnë’ pasurinë e tyre si partnerë të papërshtatshëm për lidhje afatgjate.
Hulumtuesit kanë zbuluar se, në veçanti ‘reklamimi’ i veturave të shtrenjta, është vendimtar sa i përket gjetjes së partnerit potencial.
Kjo për shkak se, siç thonë ata, personat që vozisin vetura ekstravagante shihen si më pak të besueshëm dhe më aventuresk.
Studimi, i cili është publikuar në revistën ‘Evolutionary Psychological Science’, ka anketuar gjithsej 375 studentë për të parë se si e interpretojnë ‘reklamimin’ e pasurisë së një mashkulli.
Rezultatet kanë treguar se dy gjinitë – meshkujt e femrat – i vlerësojnë meshkujt me vetura të shtrenjta si më të interesuar në lidhje të shkurta seksuale dhe nuk i shohin si të përshtatshëm për lidhje serioze afatgjate.
Ndryshe nga ta, meshkujt që kanë vetura të lira shihen si më të përshtatshmit për partner.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
