Kryeministri Edi Rama ka deklaruar në formularin e deklarimit vjetor të pasurive të ardhura 3.8 milionë lekë nag shitja e punës artistike.
Në formularin e publikuar nga shqiptarja.com rezulton se edhe i biri, Gregor Rama ka pasur një vit të mirë në këtë fushë.
Ai ka fituar nga shitja e veprave të artit 28 mijë euro.
Kryeministri ka shitur gjithashtu një shtëpi të privatizuar në vitin 1993 në shumën 5 milionë lekë, ndërkohë që të ardhurat nga paga i ka pasur 2 milionë lekë.
Së bashku me bashkëshorten, Linditën, Rama ka shlyer 4853 euro të një kredie prej 80 mijë eurosh të marrë në vitin 2013. Atij i ka ngelur ende pa shlyer edhe 26 mijë euro.
Linda Rama ka deklaruar të ardhura nga paga si eksperte në shumën 1.8 milionë lekë, ndërsa të ardhura nga honorarët dhe nga qeraja e një apartamenti 3.9 milionë lekë.
PASURIA E FAMILJES SË KRYEMINISTRIT
Edi Rama
Shitje e apartamentit të privatizuar në vitin 1993 në vlerën 5 milionë lekë
Të ardhura nga paga 2 milionë lekë
Të ardhura nga puna artistike 3.8 milionë lekë
Ka shlyer 4853 euro nga kredia 80 mijë euro e marrë në 2013. Ka ende pa shlyer 26 mijë euro
Linda Rama
Blerje tokë në Surrel 2.240 m2 6.9 milionë lekë
Të ardhura nga paga si eksperte 1.8 milionë lekë
Të ardhura nga honorarë 1.2 milionë lekë
Të ardhura nga qiraja e apartamentit 2.7 milionë lekë
Gregor Rama
Të ardhura nga shitja e veprave të artit 28 mijë euro
Paguan qeranë 432 mijë lekë
Marrë hua 400 mijë lekë
