Së shpejti priten listat përfundimtare të futbollistëve të të 32 skuadrave pjesemarrese ne boteror.
Por, ditët e fundit, është publikuar ajo që ka të bëjë me pagat e 32 trajnerëve pjesëmarrës në këtë kompeticion, të zbuluara nga “Zoomin TV”.
Gjermania, kampionia e botës që triumfoi në vitin 2014 në Brazil, e paguan më së miri trajnerin.
Joachim Low është më i paguari në mesin e 32 trajnerëve që do të marrin pjesë në Kupën e Botës, Rusia 2018. Ai ka pagë vjetore, 3.8 milionë euro.
Low ndiqet nga trajneri i Francës me 3.4 milionë, kurse podiumin e plotëson trajneri i Brazilit, Tite, po ashtu me 3.4 milionë në vit.
Nikoqiri, Rusia, ka habitur të gjithë. Pasi e paguan trajnerin më mirë se Anglia, Argjentina e kampioni i Evropës, Portugalia.
Kurse, trajneri i Senegalit, Aliou Cisse, paguhet më së paku në mesin e 32 trajnerëve që do të drejtojnë shtete të ndryshme në botërorin e Rusisë, vetëm 200 mijë euro në vit.
