Shkarkohet pedagogu Zenel Shalari.
Shkarkimi është bërë nga dekani i Fakultetit të Shkencave Sociale, Edmond Rapti, pas peticionit të studentëve të këtij fakulteti, informon gazetarja e Ora News Nertila Dosti.
Peticioni u realizua nga një grup studentësh të vitit të parë të degëve Shkenca Politike, Administrim e Politika Socale dhe Psikologji
Dhe u dorëzua me shkresën nr 426 datë 20 prill 2018 Fakultetit Ekonomik
Levizja studentore në një postim në facebook shkruan
Studentët e Fakultetit të Shkencave Sociale, në kuadër të aksionit të Lëvizjes për Universitetin kundër korrupsionit dhe tregtisë së detyrueshme të librave, kanë realizuar një peticion me dhjetra nënshkrime, duke çuar ne shkarkimin e pedagogut Zenel Shalari.
Aksioni kundër zhvatjes së organizuar të xhepave të studenteve do të vazhdojë, si ndaj zhvatjes me tarifa dhe toefla të qeverisë, po ashtu edhe ndaj korrupsionit brenda klasave shkollore.
U bëjmë thirrje të gjithë studentëve të universitetit publik të bashkohen kundër zhvatjes dhe padrejtësisë, me peticione dhe protesta. Vetëm asgjë nuk është e mundur dhe bashkë asgjë e pamundur!
