Nje ngjarje e rende ka ndodhur ne Tirane ndersa nje djale e nje vajze, te fejuar, kane mbetur te plagosur. Ngjarja ndodhi ne Unazen e Madhe kur tre rrugace i ngacmuan te fejuaren ndersa cifti po pinte nje kafe ne nje lokal.
Per te shmangur sherrin cifti ka lene lokalin por ne dalje te tij serish tre rrugacet e kane fyer ciftin.
Djali eshte pergjigjur por eshte goditur me thike dhe fill me pas edhe e fejuara qe nderhyri per te ndihmuar te shoqin.
Policia ka arritur te ndaloje 3 rrugacet ndersa cifti ndodhet ne spital.
Njoftimi i policise:
Informacion paraprak
Më datë 06.05.2018, rreth orës 15:00, në zonën e Unazës së Re, si pasojë e një konflikti të ndodhur jashtë një lokali, kanë mbetur të plagosur me mjet prerës (thikë) shtetasi A. M., rreth 27 vjeç dhe e fejuara e tij, shtetasia K. K., rreth 23 vjeçe.
Shtetasit e dëmtuar janë transportuar për ndihmë mjekësore në Spitalin Ushtarak dhe aktualisht ndodhen jashtë rrezikut për jeten.
Janë kapur dhe shoqëruar në ambientet e policisë shtetasit : H.N, Ç. Sh dhe F.P, tre autorët e plagosjes me thikë të çiftit në zonën e Unazës së Re.
