Skeleti i një personi u gjet sot në Vjosë. Sipas policisë mësohet se në lumë janë gjetur pjesë të ndryshme të një skeleti, por ende nuk dihen detaje.
Dyshimet e para janë se kufoma i përket një shtetasi i cili është mbytur disa muaj më parë në Greqi.
Policia ka sqaruar se janë gjetur gjymtyrët e poshtme, kafka dhe disa rroba.
Po vijojnë ende kërkimet për të gjetur pjesët e tjera, por dhe për të bërë të mundur identifikimin e viktimës.
Njoftimi i policisë:
Më datë 06.05.2018, rreth orës 17:00, në shtratin e lumit Vjosë pranë fshatit Kanikol, të Njesisë Administrative Çarshovë, është gjetur një skelet i pjesshëm i një shtetasi të paidentifikuar, (Kafka dhe gjymtyrët e poshtëm si dhe disa tesha).
Ky shtetas dyshohet të jetë mbytur në lumin Vjosë para disa muajsh në Greqi. Nga teshat e gjetura dyshohet të jetë shtetas nga vendet e treta. Materialet i kaluan Prokurorisë së Rrethit Gjyqësor Përmet.
