Një ish-kandidate politike u qëllua për vdekje nga gruaja e të dashurit të saj në Filadelfia. Ngjarja e cila shokoi mbarë opinion publik ndodhi mbrëmjen e së hënës, shkruan BBC.
Jennair Gerardot, 48 vjeç, hyri në shtëpinë e Meredith Chapman, 33 vjeç, dhe e priti atë në kuzhinë deri sa ajo u kthyer në banesë.
Hetuesit thonë se Gerardot kishte vënë një maske. Ajo i dërgoi një tekst burrit të saj duke zbuluar planin e saj të hakmarrjes. Pasi qëlloi me pistoletë ndaj Meredith Chapman, Gerardot qëlloi edhe mbi veten. Të dyja gratë ishin të vdekura kur policia shkoi në vendngjarje.
Detektivët thanë se trupi i Gerardot u gjet në kuzhinë, jo shumë larg Chapman. Policia gjeti dhe dy plumba në vendngjarje. Zyrtarët gjetën bashkëshortin e Jennair Gerardot, Mark Gerardot, i cili po rrinte jashtë shtëpisë ku ndodhi ngjarja tragjike.
Pasi lexoi tekstet shqetësuese që i kishte shkruar bashkëshortja e tij Gerardot, ai i tha policisë: “Gruaja ime mund të jetë brenda”.
Ai kishte lënë një takim me të dashurën e tij Meredith Chapman për darkë atë mbrëmje, por u shqetësua kur ajo nuk erdhi në takim, tha ai për hetuesit.
Policia tha se Gerardot ishte “duke pritur” për viktimën e saj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
