VIDEO & DOKUMENTE/ Safeti konkurron me Gjicin dhe Safet Gjici fiton 25 milionë dollarë

Partia Demokratike ka zbuluar para medias sot sesi kandidati i PS për deputet dhe bashkinë e Kamëzës, Safet Gjici,  “shërbëtor” i Edi Ramës, siç e ka cilësuar, ka futur në xhep me një skemë mashtrimi, 25.2 milionë dollarë nga taksat e shqiptarëve.

Deputeti Ervin Salianji zbuloi dokumentin para medias ku rezulton se Safet Gjici ka fituar miliona nga dy kompanitë e tij të sigurisë, pasi i fut në tendera ku ato garojnë, thjesht e vetëm me njëra-tjetrën…

Denoncimi i plotë i deputetit Ervin Salianji

Edi Rama ka ndërtuar një sistem ku vjedh Shqiptarët dhe Shqipërinë për t’i përdorur më pas  këto para për të vjedhur zgjedhjet dhe për të rivjedhur sërish Shqipërinë. Këtë sistem ka pasur propozim dhe këtë sistem ka instaluar në qeverisje.

Edi Rama ka kaluar në fazën tjetër të vjedhjes së Shqipërisë. 

Pasi zhvati dhe zhvat miliona euro nga taksat e xhepat e shqiptarëve për të majmur dhe fryrë derra të kënaqun që kanë përthithur si shushunja me prokurime të drejtpërdrejta pa garë dhe pa negocim apo me tendera fiktivë.  

Pikërisht kur BB thotë se  Shqipëria rrezikohet nga PPP e pakërkuara, kur Raporti i Departamentit të Shtetit denoncon korrupsionin e niveleve të larta, zbulohen fakte të reja për skemën korruptive të vjedhjes. 

Sot po ju paraqesim fakte se si Safet Gjici, një prej qindra shërbëtorëve të pangopur të Ramës ka përfituar nga paratë publike 25.2 milion dollarë.  

Shoqëria Eurogjici Security shpk zotërohet nga shtetasi Lavdrim Gjici, kushëri i Safet Gjicit, ndërkohë shoqëria “Toni Security shpk”, pavarësisht se zotërohet 100% nga shtetasi Nazmi Kurti, nga ekstraktet historike vërtetohet se, të dyja shoqëritë zotërohen nga i njëjti person (Gjici), pasi:

1. Adresa fizike e selisë është e njëjtë, konkretisht:

Rruga “Adem Jashari”, Njësia Bashkiake nr.5, Lagjja nr.8, hyrja nr.10, apartamenti nr.3, Tiranë (i njëjti apartament)

2. Adresa elektronike është e njëjtë: financaeurogjici@gmail.com

Safet Gjici, nëpërmjet dy shoqërive të mësipërme ka përfituar 315 tendera, me vlerë 25.2 mln dollarë,  nga të cilat 171 pa garë, me vlerë 3.8 mln dollarë, konkretisht:

1. EUROGJICI SECURITY shpk, ka përfituar 250 tendera, me vlere 21.3 mln dollarë, nga të cilat 143 pa garë me vlerë 3 milion dollarë.

2. TONI SECURITY shpk, ka përfituar 65 tendera, me vlerë 3.8 mln dollarë nga të cilat 28 pa garë, me vlerë 709 mijë dollarë.

Për kontrastin me qytetarët kuksianë që mbahen në burg sepse kërkojnë që mos taksohen 10 euro për të shkuar në shtëpitë e vet,a kuksiani i Ramës zhvat 25.2 milione dollarë nga taksat e qytetarëve. 

Në Republikën e Ramës të jesh hajdut bëhesh ministër, deputet, Kryetar Bashkie e milioner, të jetosh në mënyrë të ndershme përfundon në burg. 

1 of 7

/DRONI.al/